हामी महाभारतको धेरै व्याख्या र पुनर्व्याख्याहरू गर्दै आएका छौं। ‘चिरहरण’ महाभारतको कथामा केन्द्रित, फरक कोणबाट लेखिएको उपन्यास हो। सत्यवतीदेखि द्रौपदीसम्म आइपुग्दा महिलाले भोग्नुपरेका सामाजिक विवशता र हिंसा मात्र होइन, धृतराष्ट्रको सिंहासनमोह, शकुनिको षड्यन्त्र र महायुद्ध जस्ता घटनाहरू वर्तमान समयमा पनि घटिरहेका छन्। कुन्तीको पुत्रत्याग होस् या द्रौपदीको चिरहरण, अहिलेको समाज पनि यी विडम्बनाहरूबाट मुक्त हुन सकेको छैन।

लेखनमा नारी चेतना र अस्तित्वलाई केन्द्रमा राख्ने नीलमको यो उपन्यास द्वापरयुगको यस्तो ऐना हो, जसमा हामीले भोगिरहेको समाज प्रतिविम्बित छ।

‘चिरहरण’ २०७२ सालको पद्यश्रीबाट सम्मानित किताब हो।